Jutta Bollwein, Kabarettistin, Schauspielerin, Autorin, Regisseurin

Die harten Fakten:

Wann i geboren bin?
Mitten im Winter, zwischen Weihnachten und Neujahr!
Kalt war`s, g`froren hat`s – owa i hob`s dapackt!

Wos I g`lernt hob?
             Z`erscht amal as Lesen und as Schreiben, dann as
             Einmaleins, an Katechismus und in da Pause as Raufa
             mit die Boum.

             Später a wos G`scheits: as Psychologisieren an der
             Universität, und weil mir des niard g`langt hot a nu
             des Heilpraktikerische – damit i mi um an Leib und
             um die Seel vo die Leit kümmern kon.

Mit wem i Tisch und Bett teile?
In Tisch mit mei`m Mo und meine zwoa Bouma,
as Bett bloß mit mei`m Mo – solang er niard schnarcht!

Warum i Theater spiel?
Wahrscheinlich weil i a weng nasch bin! Des moust
scho sein, sunst traust di des niard!

Wia i zum Kabarett kumma bin?
Wia d`Jungfrau zum Kind: aus Neugier und weil i
wos Nei`s ausprobiern wollt!

             I hob grod nix Besseres zum dou g`habt, ei`falln
               dout mir immer wos – und as „ Blöd daher reden“
               is mir scho in d` Wiege g`legt wordn.

Wos i auf da Bühne mach?
Vor allem a Gaudi: wenn`s mir g`fallt und eich Spaß
macht, dann passts!

             I red gern über alls wos dahoam und in da Welt passiert,
               schimpf a über d`Obrigkeit und spiel dazou Dudlsack
               und Quetschn . Zum Mitsinga, Mitklatsch`n und
               Mittanz`n g`langts.

Wann i aufhör mit dem Schmarrn?
Nach mei`m hundertsten Geburtstag! Dann geh i in
d`Rente – damit i niard umsunst ei`zahlt hob.

Wos nu zum Verzähln gibt über mi?
Allerhand! Owa mir seh`n uns etz eh bald - oder?

Seitenanfang